АХҚО Соты мен ХТО Қазақстан Республикасы Жоғарғы Сотының Сот төрелігі академиясымен судьяларды оқыту саласындағы ынтымақтастықты нығайтуға келісті
АХҚО Соты мен ХТО Қазақстан Республикасы Жоғарғы Сотының Сот төрелігі академиясымен судьяларды оқыту саласындағы ынтымақтастықты нығайтуға келісті
Қазақстан Республикасы Жоғарғы Сотының жанындағы Сот төрелігі академиясының («Сот академиясы») ректоры Зәуреш Баймолдина ханым АХҚО Cотында және ХТО-да болды. АХҚО Сотымен және ХТО-мен ынтымақтастықты кеңейту, оның ішінде АХҚО Соты мен ХТО-ны «Педагогикалық шеберлік орталығы» ретінде Қазақстанның ұлттық сот жүйесінің судьялары мен Сот академиясында заң факультетінің студенттері үшін халықаралық дауларды шешу бойынша жыл сайынғы оқытуды өткізу үшін пайдалануын келісілді. АХҚО Соты мен ХТО Сот академиясының студенттері үшін халықаралық медиация, сот тәуелсіздігі, істерді басқару және сот шешімдерін жасау дағдылары бойынша жыл сайынғы төрт тренинг өткізеді. Бұл тренинг сондай-ақ АХҚО Соты мен ХТО қазір Қазақстанда инвестициясы бар елдердің инвесторларының қатысуымен істерді қарау үшін әлемдік деңгейдегі құралдар мен цифрлық технологияны пайдаланатын сегіз елдің ұлттық сот органдарына таратылады: Армения, Әзірбайжан, Грузия, Қырғызстан, Тәжікстан, Түркия, Түркіменстан және Өзбекстан.
АХҚО Соты мен ХТО 2018 жылдың 1 қаңтарынан бастап жұмыс істей бастады, 3000-нан астам қазақстандық ұлттық заңгерлер мен заңгер студенттер үшін 70-тен астам оқу бағдарламаларын ұйымдастырды, олар әлемнің жетекші заңгерлік білім беру және жетекші институттардың кәсіби заң сарапшыларымен серіктестікте жұмыс істейді. Бұл тренинг АХҚО Соты мен ХТО қызметінің ұзақ мерзімді табысы үшін, сондай-ақ Қазақстандағы және Еуразиядағы бизнес пен заң қоғамдастығын түсіну үшін өте маңызды. Ол халықаралық стандарттарға сәйкес коммерциялық даулардың тәуелсіз және бейтарап шешілуін қалайтын Қазақстанға келген инвесторлардың заңгерлерінің практикалық дағдыларды үздіксіз жетілдіруге және АХҚО Соты мен ХТО қызметін пайдалануға ықпал етеді. Бұл АХҚО Соты мен ХТО-ға сенімді инвестициялық орталық ретінде Қазақстанның жалпы тартымдылығына тұрақты түрде елеулі үлес қосуға мүмкіндік береді.
«Астана» халықаралық қаржы орталығы (АХҚО) – 2018 жылы жұмыс істей бастаған тәуелсіз юрисдикция. 2025 жылға дейінгі даму стратегиясына сәйкес АХҚО-ның негізгі міндеті ЕАЭО, Орталық Азия және Кавказ елдерін байланыстыратын әмбебап платформа ретінде беку болып табылады. www.aifc.kz
АХҚО Соты тәуелсіз институт болып табылады. Ағылшын жалпы құқығының қағидаттары мен нормаларына және озық халықаралық іс-тәжірибеге негізделген өзіндік процессуалдық нормалары бар. АХҚО Соты өз қызметін тәуелсіз атқарады және Қазақстан Республикасының сот жүйесінің бір бөлігі болып табылмайды. Екі деңгейден тұрады: Бірінші инстанциядағы сот, оған ұзақ даулар соты ретінде белгілі мамандандырылған бөлімше және Апелляциялық сот кіреді. АХҚО шеңберінде жүзеге асырылатын қызметпен және операциялармен байланысты туындайтын дауларға қатысты және барлық тараптар АХҚО Сотына юрисдикция беруге жазбаша нысанда келісетін дауларға қатысты айрықша юрисдикцияға ие. Ол қылмыстық немесе әкімшілік сипаттағы қандай да бір дауларға қатысты юрисдикцияға ие емес. Істерді жүргізудің заманауи және тиімді әдістері қолданылады. https://court.aifc.kz/
Халықаралық төрелік орталығы (ХТО) тәуелсіз институт болып табылады. Үздік халықаралық іс-тәжірибе үлгісі бойынша әзірленген өзіндік процессуалдық нормалары бар. Орталықта төрелік және медиация жолымен коммерциялық дауларды, соның ішінде мұнай-газ, сауда, құрылыс, энергетика, қаржылық қызметтер, банк ісі, ислам қаржылары, сақтандыру және зияткерлік меншік салаларында шешу бойынша көпжылдық тәжірибеге ие жетекші халықаралық төрешілер мен медиаторлардың өзіндік тізілімі бар. ХТО-ның төрелік шешімдері Қазақстан Республикасының аумағында және халықаралық деңгейде мойындалады және орындауға жатады. https://iac.aifc.kz/