ХТО Төрағасы, Барбара Доманн QC, Нур-Султан қаласында, ХТО-да өткізілген «Ашық есік күні» шарасында IAC Chambers-ті ұсынды.
ХТО Төрағасы, Барбара Доманн QC, Нур-Султан қаласында, ХТО-да өткізілген «Ашық есік күні» шарасында IAC Chambers-ті ұсынды. Бұл кездесуде АХҚО-ның Басқарушысы Кайрат Келимбетов, Ұлыбританияның елшісі Кэти Лич; жеті елшіліктердің және дипломатиялық өкілдіктердің елшілері мен өкілдері; Қазақстан Республикасының Әділет министрі Канат Мусин; Қазақстан Республикасының Жоғарғы сотының судьялары; халықаралық және жергілікті заң фирмаларының аға заңгерлері; және іскерлік топ өкілдері қатысты.
IAC Chambers халықаралық деңгейде оффлайн және онлайн форматта дауларды шешу аясында ауқымды қызметтер көрсетуді қамтамасыз етеді. Ол Еуразиядағы осындай қызметтерді көрсететін тұңғыш жоба болып табылады. Ол үздік халықаралық дауларды шешу орталықтарының кейпі бойынша қалыптасқан. IAC Chambers таңдаулы ғаламдық альянс - IAC Alliance-тың мүшесі болып кірді, ал бұл альянс дүниежүзі бойынша ең беделді альянс болып келеді. Альянстың басқа мүшелері болып Лондон қаласында орналасқан Халықаралық дауларды шешу орталығы, Сингапурдағы Maxwell Chambers және де Торонто қаласында орналасқан Arbitration Place келеді.
Дауласушы тараптарға тыңдауларды өткізу үшін нысандарға жайлы және бөгетсіз қолжетімділікті қамтамасыз ете отыра, бұл альянс ең үздік халықаралық дауларды шешу орталықтары мен арбитраждық мекемелерді біріктіреді. Бұл альянс арақашықтықты қысқарту, уақытты үнемдеу және дауларды шешудің баламалы әдістері арқылы дауларды шешу бойынша тыңдаулар мен іс жүргізуді жоспарлау және өткізуге қатысты басқа да мәселелер, жаһандық өзара әрекеттесу және дауларды біркелкі шешу үшін платформаны қамтамасыз етуге бағытталған.
«Астана» халықаралық қаржы орталығы (АХҚО) – 2018 жылы жұмыс істей бастаған тәуелсіз юрисдикция. 2025 жылға дейінгі даму стратегиясына сәйкес АХҚО-ның негізгі міндеті ЕАЭО, Орталық Азия және Кавказ елдерін байланыстыратын әмбебап платформа ретінде беку болып табылады. www.aifc.kz
АХҚО Соты тәуелсіз институт болып табылады. Ағылшын жалпы құқығының қағидаттары мен нормаларына және озық халықаралық іс-тәжірибеге негізделген өзіндік процессуалдық нормалары бар. АХҚО Соты өз қызметін тәуелсіз атқарады және Қазақстан Республикасының сот жүйесінің бір бөлігі болып табылмайды. Екі деңгейден тұрады: Бірінші инстанциядағы сот, оған ұзақ даулар соты ретінде белгілі мамандандырылған бөлімше және Апелляциялық сот кіреді. АХҚО шеңберінде жүзеге асырылатын қызметпен және операциялармен байланысты туындайтын дауларға қатысты және барлық тараптар АХҚО Сотына юрисдикция беруге жазбаша нысанда келісетін дауларға қатысты айрықша юрисдикцияға ие. Ол қылмыстық немесе әкімшілік сипаттағы қандай да бір дауларға қатысты юрисдикцияға ие емес. Істерді жүргізудің заманауи және тиімді әдістері қолданылады. https://court.aifc.kz/
Халықаралық төрелік орталығы (ХТО) тәуелсіз институт болып табылады. Үздік халықаралық іс-тәжірибе үлгісі бойынша әзірленген өзіндік процессуалдық нормалары бар. Орталықта төрелік және медиация жолымен коммерциялық дауларды, соның ішінде мұнай-газ, сауда, құрылыс, энергетика, қаржылық қызметтер, банк ісі, ислам қаржылары, сақтандыру және зияткерлік меншік салаларында шешу бойынша көпжылдық тәжірибеге ие жетекші халықаралық төрешілер мен медиаторлардың өзіндік тізілімі бар. ХТО-ның төрелік шешімдері Қазақстан Республикасының аумағында және халықаралық деңгейде мойындалады және орындауға жатады. https://iac.aifc.kz/