Сіздердің назарларыңызға АҚШ сауда министрлігінің Оңтүстік және Орталық Азия бойынша аға кеңесшісі Змарак Кханның IAC Chambers туралы пікірін ұсынамыз
Сіздердің назарларыңызға АҚШ сауда министрлігінің Оңтүстік және Орталық Азия бойынша аға кеңесшісі Змарак Кханның IAC Chambers туралы пікірін ұсынамыз.
IAC Chambers жақында Кхан мырза және әлемнің 80-нен астам заңгерлері мен студенттері 2023 жылдың наурыз айында өткен IAC Central Asia Vis Pre-Moot байқауы кезінде пайдаланды.
IAC Chambers АХҚО Соты мен ХТО алаңында, халықаралық әуежайдан 15 минуттық жерде орналасқан. Әлемдік деңгейде мамандандырылған және дербестендірілген қызметтер көрсетілетін, сонымен қатар дауларды шешу кезінде заңгерлер мен компаниялардың қажеттіліктерін қанағаттандыратын кәсіби қолдау командасы бар қауіпсіз әрі сенімді орынжайлар болып табылады.
IAC Chambers орынжайлары цифрлық жабдықтармен жарақталған сот және төрелік тыңдаулар залдарын, сыйымдылығы 100 орынға дейін дәріс залын, 14 конференц-зал мен бизнес-лаунджды қамтиды, оларда: жоғары жылдамдықты Wi-Fi, бейне- және аудио конференц-байланыс қызметтері, хатшылық қызметтері, оның ішінде құжаттарды басып шығару және қауіпсіз сақтау қызметтері, аударма қызметтері және кейтеринг қызметтері бар.
IAC Chambers қызметтеріне қатысты барлық сұрақтар мен тапсырыстар үшін booking.bcs@aifc-iac.kz электрондық поштасы арқылы хабарласыңыз.
Толық нұсқасын осы сілтеме арқылы көруге болады.
«Астана» халықаралық қаржы орталығы (АХҚО) – 2018 жылы жұмыс істей бастаған тәуелсіз юрисдикция. 2025 жылға дейінгі даму стратегиясына сәйкес АХҚО-ның негізгі міндеті ЕАЭО, Орталық Азия және Кавказ елдерін байланыстыратын әмбебап платформа ретінде беку болып табылады. www.aifc.kz
АХҚО Соты тәуелсіз институт болып табылады. Ағылшын жалпы құқығының қағидаттары мен нормаларына және озық халықаралық іс-тәжірибеге негізделген өзіндік процессуалдық нормалары бар. АХҚО Соты өз қызметін тәуелсіз атқарады және Қазақстан Республикасының сот жүйесінің бір бөлігі болып табылмайды. Екі деңгейден тұрады: Бірінші инстанциядағы сот, оған ұзақ даулар соты ретінде белгілі мамандандырылған бөлімше және Апелляциялық сот кіреді. АХҚО шеңберінде жүзеге асырылатын қызметпен және операциялармен байланысты туындайтын дауларға қатысты және барлық тараптар АХҚО Сотына юрисдикция беруге жазбаша нысанда келісетін дауларға қатысты айрықша юрисдикцияға ие. Ол қылмыстық немесе әкімшілік сипаттағы қандай да бір дауларға қатысты юрисдикцияға ие емес. Істерді жүргізудің заманауи және тиімді әдістері қолданылады. https://court.aifc.kz/
Халықаралық төрелік орталығы (ХТО) тәуелсіз институт болып табылады. Үздік халықаралық іс-тәжірибе үлгісі бойынша әзірленген өзіндік процессуалдық нормалары бар. Орталықта төрелік және медиация жолымен коммерциялық дауларды, соның ішінде мұнай-газ, сауда, құрылыс, энергетика, қаржылық қызметтер, банк ісі, ислам қаржылары, сақтандыру және зияткерлік меншік салаларында шешу бойынша көпжылдық тәжірибеге ие жетекші халықаралық төрешілер мен медиаторлардың өзіндік тізілімі бар. ХТО-ның төрелік шешімдері Қазақстан Республикасының аумағында және халықаралық деңгейде мойындалады және орындауға жатады. https://iac.aifc.kz/